Enn fær Valur hjálp

Þetta er eitthvað svo ógeðfellt hvernig Valur fær oftar en einu sinni hjálp frá dómurum í "stórum leikjum" í gegnum tíðina. Snorri Steinn hefði eflaust ekki sagt "að þetta hlyti að vera rétt" ef Valsmenn hefðu fengið dæmdan þennan dóm á sig... hann hefði orðið vitlaus!!

Svona atriði setja handboltann niður... gjörsamlega rangur dómur og það er ekki eins og ég sé einn um þessa skoðun.

Ógeðfellt að sjá sanngirnina skotna niður svona augljóslega. Djöfull vona ég að Valsmenn skíttapi úrslitaleiknum, ... en ... sjáum til hvað dómararnir gera.

Stundum þarf að hafa lukkuna með sér

Engin iðrun og ýktar tölur/forsendur

Í þessum heimi alþingis skiptir auðvitað máli hvort þú heitir Jón eða séra Jón ... og egóið er alltaf til staðar hjá flestum - Klaustursfólk telur sig hafa tekið út sína refsingu. Segjast hafa margbeðið afsökunar og sýnt iðrun ... en hvernig?

Hafa þessir aðilar einhvern tíma á síðustu tveimur mánuðum sýnt iðrun, án þess að nefna hinn stórkostlega glæp við leyndu upptökurnar? Heyrðu jú jú, við erum búin að biðjast afsökunar og þú veist ... sko, við notuðum tímann frá þingi til að læra mikið af þessu og sko ... og við vorum voða voða sorrí ... en hitt er auðvitað málið... við erum óttaleg fórnarlömb út af hinni vondu Báru.

 

Og þegar Gunnar segir að 99,9% kjósenda kjördæmisins hafi viljað fá hann aftur til starfa ... þá finn ég skrítna lykt af lygi. Því það er ekki séns að maður eins og hann hafi rabbað við þúsund manns (voru yfirhöfuð þúsund manns sem kusu hann??) og 999 af þeim hafi sagt: já, í guðanna bænum komdu aftur - og aðeins einn sagt nei. --- Þegar snúið er til starfa á alþingi með svona ýkjum, þá má ekki eiga von á góðu frá þessum kumpánum.

Fyrir utan það, má þá ekki ætla að kjósendur hafi kosið þessa aðila og haldið að þeir væru ekki svona illa innrættir, þannig að upptökurnar sýni bara þeirra rétta andlit og þar af leiðandi eru kjósendurnir bara búnir að snúa við þeim baki?

Hvað talaðirðu annars við marga kjósendur, Gunnar? Í alvöru, segðu það. 1 ... 2 ... þrjá kannski?

Burtu af þingi með ykkur!!!

„Erum ekki á þingi fyrir þetta fólk“

Af sem áður var... ?

Sem kvikmyndaáhugamanni finnst mér ömurlegt að sjá og heyra að þessar myndir séu mögulega ekki að fara í nógu mikla dreifingu. Haldið er að markaðurinn sé ekki nógu stór? Við hvað er miðað?? Jæja ... ég veit hvað ég á Akureyri þarf að gera ... #landsbyggðartútta

Favourite fer í almenna sýningu

Ákaflega sorglegt

Í nokkur ár hefur mér fundist ónefndur þingmaður vera miniminimini-útgáfa af Bandaríkjaforseta núverandi. Í nokkur ár hefur viðkomandi þingmaður spilað sig nær ávallt sem fórnarlamb og eins og í Klausturmálinu, ... þegar hann gerir eitthvað af sér, þá er samt farið í fórnarlambshlutverkið - fyrst og fremst. Það er engin iðrun, nema sú að þetta komst upp. Þú segir ekki - eins og títtnefndur þingmaður - um aðra manneskju að hún spili á karlmenn eins og hún kann ... og halda því fram að þú virðir hana.

Af hverju er svona erfitt að biðjast afsökunar og ... láta þar við sitja? Af hverju þarf að búa til hjól að skransa, stóll að hreyfast, þunnskipaður þingheimur ef allir yrðu dæmdir svona... af hverju er vörnin svo oft hjá þessum einstaklingum: Hey, aðrir gera þetta miklu meira en við!!!????

Sama hvernig þessi upptaka er komin til, þá er glæpurinn hinn sami - og þú afsakar þig ekki frá honum. Þú gengst við honum.

...

Nema þú sért ónefndur þingmaður og fylgishirð hans.

Segir ekkert hafa sært sig eins mikið

Spennandi körfuboltavetur framundan

Þar sem Fram er ekki með lið í körfuboltanum, þá held ég með KR í körfunni ... og viti menn ... leikir eins og þessi - eða öllu heldur úrslitin - minna mig á hversu gaman er að fylgjast með körfunni.

Fyrirfram hefði ég veðjað á Stóla-sigur en KR-ingarnir voru bara mun betri. Smá spenna í lokin en flottur og sanngjarn sigur.

Ef Helgi kemur um áramótin, mögulega Acox líka ... og hvað með Pawel... þá er ég hræddur um að sjötti Íslandsmeistaratitillinn í röð gæti orðið að veruleika ... en við bíðum og sjáum til :-) Gaman að þessu!

Sýndum að við erum enn þá meistarar

Ótrúlega flottur árangur

Kannski erum við Íslendingar orðnir svo góðu vanir að maður vill meira? Ég hafði auðvitað vonast eftir sigri, með allar þessar frábæru konur í keppninni, en það féll ekki fyrir okkar fólki betur en svo að árangurinn varð þriðja og fimmta sæti í kvennakeppninni og fimmta sætið í karlakeppninni.

En halló! Þetta er ótrúlega flottur árangur. Katrín Tanja var ekki langt frá öðru sætinu en sigurvegarinn í ár var bara ótrúlega frábær líka. Katrín má vel við una og reyndar Annie Mist líka.

Ég vonast alltaf eftir einhverju flottu og meiru og ég hafði meira að segja smá von um það að Ísland kæmist upp úr riðlinum á HM í ár... en hetjurnar okkar sem berjast á mörgum vígstöðvum geta ekki alltaf unnið ... og það er bara allt í lagi.

Árangurinn í ár í heimsleikunum í crossfit var stórkostlegur og ber að óska þeim öllum til hamingju, þó sérstaklega Katrínu Tönju.

Katrín Tanja í þriðja sæti

Framtíðin björt í USA?

Kannski ekki mesta fyrirmyndar(endur)byrjun hjá mér að blogga um þessa frétt, en þetta vakti athygli mína í gær og ég hef verið duglegur að kynna mér málin í Bandaríkjunum þessa dagana. Ég sagði það árið 2016 að ég óttaðist framtíð heimsins eftir að Trump var kjörinn forseti USA og var strax sagður hafa óþarfa áhyggjur. En hér er sem sagt gaur, sem á og rekur vændishús (fleirtala) og ætlar að bjóða sig fram í bandaríska þingið. Hann þakkar Trump fyrir það að geta þetta. Í grunninn er þetta það sem Trump hefur gert ... hann hefur opnað fyrir aðgang vafasamra manna að völdum í heimalandinu og skammast sín ekkert fyrir það, eingöngu vegna þess að þessir einstaklingar styðja hann.

Verður farmtíðin ekki björt þar sem vændishúsaeigandi á að taka ákvörðun um velferðarmál, t.d. varðandi menntun og tryggingar og ýmislegt annað?

Eða er það ég sem er fordómafullur?

Vændishúsaeigandi sækist eftir þingsæti